Diqqat! Sayt sinov rejimda
Surxondaryo viloyati Termiz tumanida joylashgan 34-sonli umumta’lim maktabida O‘zbekiston Respublikasi Milliy gvardiyasi huzuridagi Qorabayir otlari mahorat maktabi mutaxassis murabbiylari ishtirokida ot sporti turlariga bag‘ishlangan mahorat darsi tashkil etildi. Mazkur tadbir yoshlar o‘rtasida milliy qadriyatlarimizni keng targ‘ib qilish, ularni sportga, ayniqsa ot sporti turlariga qiziqtirish hamda mazmunli bo‘sh vaqtlarini tashkil etish maqsadida o‘tkazildi. Mahorat darsi davomida murabbiylar tomonidan ot sportining konkur, tent pegging, polo hamda uloq-ko‘pkari kabi yo‘nalishlari haqida batafsil ma’lumot berildi. Shuningdek, otlarni parvarishlash, ularga to‘g‘ri munosabatda bo‘lish, chavandozlik madaniyati va xavfsizlik qoidalari yuzasidan tushunchalar berildi. Tadbir jarayonida o‘quvchilarga ot sporti bo‘yicha amaliy ko‘rgazmali chiqishlar namoyish etilib, sportchilarning mahorati va otlarning tayyorgarlik darajasi namoyon qilindi. Yoshlar o‘zlarini qiziqtirgan savollarga mutaxassislar tomonidan batafsil javoblar oldilar. Mahorat darsi yakunida o‘quvchilar orasida ot sportiga qiziqish bildirgan yoshlar bilan suhbatlar o‘tkazilib, ularni sport to‘garaklari va mahorat maktabi faoliyatiga jalb etish bo‘yicha tavsiyalar berildi. Bunday tadbirlar yosh avlodni sog‘lom turmush tarziga yo‘naltirish, vatanparvarlik ruhida tarbiyalash hamda xalqimizning boy otchilik an’analari va milliy sport merosini keng targ‘ib etishda muhim ahamiyat kasb etadi.
Milliy gvardiya Qorabayir otlari mahorat maktabi hamda Chavandozlar maktabi seksiya o‘quvchilari ishtirokida ot sportining polo turi bo‘yicha musobaqa tashkil etildi. Mazkur musobaqa yosh chavandozlarning sport mahoratini oshirish, ularning jismoniy tayyorgarligini mustahkamlash maqsadida o‘tkazildi. Bellashuvlar davomida ishtirokchilar yuqori tezlik, aniqlik va jamoaviy hamjihatlikni namoyon etib, o‘zlarining nazariy va amaliy ko‘nikmalarini sinovdan o‘tkazdilar. #Milliygvardiya #hamkorlik #polo #musobaqa
Termiz tumanida joylashgan 31-sonli umumtaʼlim maktabining oʻquvchi yoshlari uchun Milliy gvardiya Qorabayir otlari mahorati maktabi tomonidan mahorat mashgʻulotlari tashkil etildi. #Milliygvardiya #maktab #yoshlar #ommalashtirish #targibot
Joriy yilning 21-yanvar kuni Termiz tumani Namuna mahalla fuqarolar yig‘ini hududida Milliy gvardiya Chavandozlar maktabi hamda Qorabayir otlari mahorat maktabi tashabbusi bilan viloyatdagi yosh chavandozlar ishtirokida milliy sport turlarimizdan biri — uloq-ko‘pkari bo‘yicha keng ko‘lamli va qizg‘in musobaqa tashkil etildi. #Milliygvardiya #kopkari #mahorat #musobaqa
Termiz tumanida joylashgan 2-sonli umumtaʼlim maktabi oʻquvchi yoshlari uchun Milliy gvardiya Qorabayir otlari mahorat maktabi tomonidan mahorat mashgʻulotlari tashkil etildi.
O‘zbekiston Respublikasi Qurolli Kuchlari tashkil topganining 34 yilligi hamda 14 yanvar – Vatan himoyachilari kuni munosabati bilan Termiz shahrining markaziy ko‘chalari bo‘ylab harbiy yurish tadbirlari o‘tkazildi. Tadbirlar davomida viloyat kuch tuzilmalari harbiy orkestr sadolari ostida shahar markaziy ko‘chasida marsh yurishlarini tashkil etdi. Bayram tantanalari viloyat hokimligi yonidagi "Etno shaharcha" turizm majmuasida davom etdi. Yoshlar va harbiy xizmatchilar ishtirokidagi harbiy vatanparvarlik festivalida mamlakatimiz mudofaa qudratini yanada mustahkamlash, xalqimizning tinch va osoyishta hayotini ta’minlash maqsadida milliy armiyamizda amalga oshirilayotgan izchil islohotlar yuksak samaralar berayotgani ta’kidlandi. Harbiy orkestrning namoyishlari esa tadbirning alohida qiziqish uyg‘otgan qismlaridan biri bo‘ldi. Mazkur tadbirlar Qurolli Kuchlarimizning jangovar tayyorgarligi va salohiyatini namoyish etish, shuningdek, yoshlarni vatanparvarlik ruhida tarbiyalash maqsadida tashkil etildi.
Surxondaryo viloyatidagi Milliy gvardiya Chavandozlar maktabi va Milliy gvardiya Qorabayir otlari mahorati maktabining oʻquvchi-sportchilari oʻrtasida ot sportining toʻsiqlardan sakrash hamda polo turlari boʻyicha musobaqalar oʻtkazildi. Gʻolib boʻlganlar jamoalar va chavandozlar tashkilotlarchilar tomonidan munosib taqdirlandilar.
Surxondaryo viloyatida ot sportining milliy turi - jamoaviy uloq-ko‘pkari bo‘yicha mintaqaviy saralash bosqichi yuqori saviyada tashkil etildi. Mazkur musobaqa yoshlar o‘rtasida milliy sport turlarini keng targ‘ib qilish, chavandozlik mahoratini oshirish hamda hududlar kesimida iqtidorli sportchilarni aniqlashga qaratildi. Saralash bosqichida Milliy gvardiya Qashqadaryo viloyati Qorabayir otchilik majmuasi jamoasi, Qashqadaryo viloyati Chavandozlar maktabi jamoasi, Surxondaryo viloyati Chavandozlar maktabi jamoasi hamda Qorabayir otlari mahorat maktabi jamoasi ishtirok etdi. Musobaqa davomida jamoalar o‘zaro raqobatbardosh bellashuvlarda qatnashib, yuksak chavandozlik mahorati, jamoaviylik va milliy sport an’analariga sodiqlikni namoyon etdilar. Musobaqa yakunlariga ko‘ra, birinchi o‘rinni Surxondaryo viloyati Chavandozlar maktabi jamoasi qo'lga kiritdi. Ikkinchi o‘ringa Qorabayir otlari mahorat maktabi jamoasi sazovor bo'ldi. Uchinchi o‘rin esa Qashqadaryo viloyati Qorabayir otchilik majmuosi jamoasiga nasib etdi. Mazkur musobaqa jamoaviy uloq-ko‘pkari sport turini rivojlantirish, hududlar o‘rtasida sport aloqalarini mustahkamlash hamda kelgusidagi respublika bosqichlari uchun munosib jamoalarni saralab olishda muhim ahamiyat kasb etdi.
Surxondaryo viloyatida “Milliy armiya — Ona yurt qalqoni, tinchligimiz posboni!” shiori ostida vatanparvarlik festivallariga tantanali ravishda start berildi. Mazkur tadbir O‘zbekiston Respublikasi Qurolli Kuchlari tashkil etilganining 34 yilligi hamda 14-yanvar — Vatan himoyachilari kuni munosabati bilan Qurolli Kuchlar Oliy Bosh qo‘mondonining tegishli farmoyishiga muvofiq tashkil etildi. Festival doirasida Termiz shahrining markaziy ko‘chalari bo‘ylab harbiy orkestr sadolari ostida faxriy qorovul, bayroqdorlar, shuningdek, Qurolli Kuchlar kuch tuzilmalari harbiy xizmatchilari, O'zbekiston Respublikasi milliy gvardiyasi huzuridagi Qorabayir otlari mahorat maktabi otlari ishtirokida tantanali marsh o‘tkazildi. Harbiy bo‘linmalar “Vatanparvarlar” bog‘idan boshlab Surxondaryo viloyati hokimiyati binosi orqali “Etnoshahar” maydoniga qadar namoyishkorona yurish amalga oshirdi. Ushbu tantanali marsh tomoshabinlarda katta taassurot qoldirib, milliy armiyamizning tartib-intizomi, jangovar tayyorgarligi va yuqori salohiyatini namoyon etdi. Festival doirasida maxsus “Etnoshaharcha” tashkil etilib, unda zamonaviy harbiy texnika va qurol-aslahalar ko‘rgazmasi namoyish etildi. Tadbir ishtirokchilari va mehmonlari harbiy xizmatchilarning qo‘l jangi elementlari, ko‘rgazmali chiqishlari hamda amaliy mashg‘ulotlarini tomosha qilish imkoniyatiga ega bo‘ldi. Eslatib o‘tamiz, yurtimizda har yili 15-dekabrdan 15-yanvarga qadar “Vatanparvarlik” oyligi keng miqyosda nishonlanib, uning doirasida turli ma’naviy-ma’rifiy tadbirlar, uchrashuvlar, harbiy paradlar va festivallar bo‘lib o‘tadi.
Milliy gvardiya Surxondaryo viloyati bo‘yicha boshqarmasi, Milliy gvardiya Chavandozlar maktabi hamda Qorabayir otlari mahorati maktabi hamkorligida O‘zbekiston Respublikasi Konstitutsiyasi qabul qilinganliining 33 yilligi munosabati bilan Termiz shahrining markaziy ko'chalari bo'ylab “Otliq kavaleriya paradi” bo‘lib o‘tdi
Termiz shahridagi 10-sonli umumta'lim maktabi o‘quvchilari Milliy gvardiya huzuridagi Qorabayir otlari mahorat maktabida bo‘lib, qorabayir zotli tulporlar hamda ot sportiga oid qiziqarli ma'lumotlarga ega bo‘ldilar.
Milliy gvardiya huzuridagi Qorabayir otlari mahorat maktabida, Termiz shahridagi 11-sonli umumta'lim maktabi o‘quvchilari hamda Termiz davlat universiteti talabalari uchun navbatdagi mahorat darsi tashkil etildi. Ajoyib taassurotlarga boy bo‘lgan mashg‘ulotlarda o‘g‘il-qizlarning tulporlarga bo‘lgan mehri yanada ortdi.
Surxondaryo viloyati Termiz shahridagi 24-sonli umumta'lim maktabi o‘quvchilari uchun Milliy gvardiya huzuridagi Qorabayir otlari mahorat maktabi hududida kamondan otish hamda ot sporti turlari bo‘yicha amaliy mashg‘ulotlar olib borildi.
Bosh prokuror o‘rinbosari - O‘zbekiston Respublikasi Harbiy prokurori Botir Kudratxodjaev tomonidan Surxondaryo viloyatida harbiy qism va muassasalarda yaratilgan shart-sharoitlar, shaxsiy tarkibning ma'naviy-ruhiy ahvoli o‘rganildi. Xususan, Termiz tumanida joylashgan Milliy gvardiya huzuridagi Qorabayir otlari mahorat maktabida bo‘lib, u yerdagi sharoitlar bilan tanishilib, shaxsiy tarkib va bir guruh yoshlar bilan suhbat o‘tkazildi. Milliy gvardiya xodimlari tomonidan maktabga taklif etilgan hududdagi uyushmagan yoshlar va o‘quvchilarga harbiy texnikalar namoyish etildi.Ot sportining “Ot ustida kurash”, “Konkur” hamda “Tentpegging” turlari bo‘yicha bellashuvlar uyushtirildi. Bu esa ishtirokchilarga milliy va zamonaviy ot sporti turlari haqida ilk taassurotlar uyg‘otdi. Shundan so‘ng, yoshlar o‘rtasida sportning kamondan otish turi bo‘yicha ham musobaqalar o‘tkazilib, ularning merganlik qobiliyatlari sinovdan o‘tkazildi. Tashkil etilgan tadbir yoshlarga katta qiziqish uyg‘otib, kun davomida ularning vaqti mazmunli o‘tishiga xizmat qildi.
Surxondaryo viloyati Termiz tumanida joylashgan Milliy gvardiya Qorabayir otlari mahorati maktabi hududida Milliy gvardiya Surxondaryo viloyati bo‘yicha boshqarmasi, Qo‘riqlash boshqarmasi, Mudofaa ishlari boshqarmasi, Qorabayir otlari mahorat maktabi va Chavandozlar maktabi o‘rtasida ot sportining "polo" turi bo‘yicha musobaqa o‘tkazildi.
Yoshlarni harbiy vatanparvarlik ruhida tarbiyalash, ularning bo‘sh vaqtlarini mazmunli o‘tkazish va yoshlarni ot sportiga jalb qilish maqsadida Milliy gvardiya Surxondaryo viloyati bo‘yicha boshqarmasi hamda Chavandozlar maktabi hamkorligida Prezident maktabi o‘quvchilari uchun mahorat darsi tashkillashtirildi.Mazkur tadbir yoshlarimiz qalbida katta taassurot va qiziqishlar qoldirdi.
O'zbekiston Respublikasi Milliy Gvardiyasi huzuridagi Qorabayir otlari mahorat maktabi tomonidan muntazam ravishda mahorat darslari o'tkazib kelinmoqda unda ot sporti turlariga qiziquvchi yoshlar hamda Termiz agrotexnologiyalar va innovatsion rivojlanish instituti talabalari va tumanning "Orol " mahallasi yoshlari ishtirok etishdi.Ot sporti turlari bilan yaqindan tanishgan ishtiyoqmand aholi vakillari otni egarlash bo‘yicha dastlabki ko‘nikmalarni egallashdi
Kuni kecha Termiz tumanida joylashgan O'zbekiston Respublikasi Milliy gvardiyasi huzuridagi Qorabayir otlari mahorat maktabida tumandagi ot sporti turlariga qiziquvchi yoshlar hamda havaskorlar uchun navbatdagi mahorat darslari tashkil etildi. Unda ishtirokchilar otni egarlash va minish borasida dastlabki ko`nikmalarini shakllantirdilar.
“Elni yo polvoni, yo oti tanitadi”, deydi dono xalqimiz.Kuni kecha Termiz tumanida joylashgan O'zbekiston Respublikasi Milliy gvardiyasi huzuridagi Qorabayir otlari mahorat maktabida tumandagi ot sporti turlariga qiziquvchi yoshlar hamda havaskorlar uchun navbatdagi mahorat darslari tashkil etildi. Unda ishtirokchilar otni egarlash va minish borasida dastlabki ko`nikmalarini shakllantirdilar.
Kuni kecha Termiz tumanidagi Bolalar va oʼsmirlar sport maktabida, yozgi taʼtil kunlarini sport bilan maroqli oʼtkazayotgan yoshlar ishtirokida kamondan otish va ot sporti boʼyicha navbatdagi mahorat darslari tashkil etildi. Hududda faoliyat yuritayotgan mazkur milliy sport turlaridagi sektsiyalarda koʼplab yoshlar shugʼullanib kelishmoqda. Milliy gvardiya Termiz tumani Qoʼriqlash boʼlimi hamda Chavandozlar maktabi xodimlari hamkorligida turli qiziqarli musobaqalar tashkillashtirilib, yoshlarning milliy oʼyinlarga qiziqishini oshirishga, ommaviyligini taʼminlashga eʼtibor qaratilmoqda.
Kuni kecha Milliy gvardiya huzuridagi Qorabayir otlari mahorat maktabi hududida, viloyatdagi huquqni muhofaza qiluvchi organlar, kuch tuzilmalar harbiy xizmatchilari va xodimlari hamda Qorabayir otlari mahorat maktabi, Chavandozlar maktablari vakillari ishtirokida jamoaviy uloq-ko‘pkari musobaqasi tashkil etildi. Qizg‘in bahslarga boy bo‘lgan mardlar o‘yinida Qorabayir otlari mahorat maktabi chavandozlaridan iborat jamoa mutloq g‘oliblikni qo‘lga kiritdilar.
"Boysun bahori" xalqaro folklor festivali doirasida tashkil etilgan ot ustida kurash musobaqasi qizg‘in va murosasiz bo‘ldi. Mazkur bellashuvlarni xorijiy davlatlardan tashrif buyurgan mehmonlar ham katta qiziqish bilan kuzatib bordilar. Musobaqalarda g‘olib bo‘lgan chavandozlar pul mukofoti bilan rag‘batlantirildi. Shuningdek, festival doirasida, ishtirokchilar uchun ot minish, unda sayr qilish imkoniyati ham yaratildi.
Joriy yilning 8 may kuni Toshkent viloyatida, 9 may – "Xotira va qadrlash kuni" munosabati bilan, Oʼzbekiston Respublikasi Milliy gvardiyasining hududlardagi Chavandozlar maktablari hamda Qorabayir otlari mahorat maktabi chavandozlari oʼrtasida jamoaviy uloq koʼpkari boʼyicha "Qoʼmondon qubogi" musobaqasi boʼlib oʼtdi. Jamoaviy uloq-koʼpkari musobaqasida 3-oʼrinni Toshkent shahar Chavandozlar maktabi jamoasi, faxrli 2-oʼrinni Toshkent viloyati Chavandozlar maktabi jamoasi va mutloq gʼoliblikni Surxondaryo viloyatidagi Qorabayir otlari mahorat maktabi chavandozlari qoʼlga kiritishdi. Musobaqada foal ishtirok etgan jamoalar Milliy gvardiya qoʼmondonligi tomonidan munosib ragʼbatlantirilib, gʼoliblarga 1,2 va 3-darajali diplomlar hamda qoʼmondon kubogi topshirildi.
Bugungi kunda yurtimizda ajdodlarimizdan meros boʼlib qolgan milliy oʼyinlar, urf-odat va qadriyatlarni yoshlar oʼrtasida ommalashtirish, mazkur yoʼnalishda ularni faol jalb etish ishlariga alohida eʼtibor qaratilmoqda. Jumladan, hududlarda kamondan otish hamda ot sporti turlarini rivojlantirish, targʼib etish, yosh sportchilarni tayyorlash borasida Milliy gvardiya boʼlinmalari tomonidan qator chora-tadbirlar amalga oshirilib, joylardagi seksiyalarda turli mashgʼulotlar hamda musobaqalar olib borilmoqda. Kuni kecha Surxondaryo viloyatining Termiz tumanidagi bolalar va oʼsmirlar sport maktabida, umumtaʼlim maktablari oʼquvchilari oʼrtasida ham navbatdagi mahorat darslari tashkil etildi. Milliy gvardiya Surxondaryo viloyati Qoʼriqlash boshqarmasi hamda Qorabayir otlari mahorat maktabi hamkorligida oʼtkazilgan tadbirda, oʼgʼil-qizlar merganlik va chavandozlik borasida oʼz koʼnikmalarini shakllantirdilar. Yoshlarga kamondan otishning asoslari, xavfsizlik qoidalari, ot minish hamda uni egarlash tartiblari boʼyicha yoʼriqnomalar berildi. Shundan soʼng, amaliy tarzda ishtirokchilar oʼzlarini sinab koʼrdilar. Tadbir davomida faol qatnashgan yoshlarga tashkilotchilar tomonidan faxriy yorliqlar topshirildi.
Prezidentimizning “Surxondaryo viloyatida qorabayir zotli otlarni yetishtirish va ommalashtirish hamda ot sporti turlarini yanada rivojlantirish chora-tadbirlari toʼgʼrisida”gi Qarori ijrosi doirasida, Termiz tumanida tashkil etilgan Milliy gvardiya huzuridagi Qorabayir otlari mahorat maktabida milliy merosimizning ajralmas qismi boʼlgan Qorabayir zotli otlarni koʼpaytirish hamda ularni ot sportiga keng jalb etishga alohida eʼtibor qaratilmoqda. Bugungi kunda mazkur hududda naslchilik ishlarini takomillashtirish orqali Qorabayir zotli otlar bosh soni koʼpaytirilmoqda.
Milliy gvardiya huzuridagi Qorabayir otlari mahorat maktabi hududida "Yosh gvardiyachi" harbiy-sport musobaqasining viloyat bosqichi tashkil etildi. Qizg'in va murosasiz bahslarga boy bo'lgan musobaqa davomida ishtirokchi jamoalar, harbiy majmuaviy estafeta (umumhimoya to'plamini kiygan holda zaharlangan hududdan o'tish, avtomatni noto'liq qismlarga ajratish va yig'ish, o'q-dorilarni belgilangan joyga yetkazish, bemorga birinchi tez tibbiy yordam ko'rsatish, otlarni egarlash), suvli to'siqdan o'tish, kamondan otish, saf tayyorgarligi hamda bilimdonlar bellashuvi kabi 5 ta shartlarda o'zaro bellashdilar. Unda shijoati va epchilligi bilan yuqori natijalarni qayd etgan Muzrabot tumani 51-sonli ixtisoslashtirilgan umumta'lim maktabi harbiy vatanparvarlik sinfi o'quvchilaridan tashkil topgan "Qalqon" jamoasi musobaqaning viloyat bosqichida mutloq g'oliblikni qo'lga kiritib, Respublika bosqichiga yo'llanmani qo'lga kiritdi.
Kuni kecha Boysun tumanidagi Darband mahallasida uyushmagan yoshlar hamda umumtaʼlim maktablaridagi oʼquvchi yoshlar oʼrtasida ot ustida kurash milliy sport musobaqasi tashkil etildi. Unda ishtirokchi polvonlarning chapdastligi, ot minish mahorati namoyon boʼldi.
Kuni kecha "Oilaviy bolalar uyi"dagi oʼgʼil-qizlarni ot sportiga qiziqtirish, chavandozlik sirlarini oʼrgatish, tulporlarga boʼlgan mehrini oshirish maqsadida, Termiz tumanidagi Milliy gvardiya huzuridagi Qorabayir otlari mahorat maktabida navbatdagi nazariy va amaliy mashgʼulotlar olib borildi. Yoshlarga Qorabayir otlari haqida maʼlumotlar berilib, ot minish boʼyicha dastlabki koʼnikmalari shakllantirildi.
Prezidentimizning "Chavandozlar maktablari faoliyatini tashkil etish chora-tadbirlari toʼgʼrisida"gi qarori ijrosi doirasida Termiz tumanida joylashgan Milliy gvardiya huzuridagi Qorabayir otlari mahorat maktabi hududida "Chavandozlar maktabi"ning ochilish marosimi boʼlib oʼtdi. Marosimda Xalqaro uloq-koʼpkari musobaqasida ishtirok etgan xorijiy mehmonlar, chavandozlar, Milliy gvardiya rahbariyati ishtirok etdi. Tadbirda ishtirok etganlar maktabda yaratilgan sharoitlar bilan yaqindan tanishdilar.
Nufuzli musobaqaning yakuniy natijalariga koʼra:"Qozogʼiston" jamoasi - 1-oʼrin;"Oʼzbekiston-1" jamoasi - 2-oʼrin; "Oʼzbekiston-2" jamoasi - 3-oʼrinni qoʼlga kiritdi. Turnir davomida barcha chavandozlar ishtirokida olomon uloq-koʼpkari oʼyinlari ham oʼtkazildi. Musobaqada gʼoliblikni qoʼlga kiritgan barcha jamoalar va chavandozlar, tashkilotchilar tomonidan pul mukofoti hamda musobaqa kubogi, diplom, medalь va qimmatbaho sovgʼalar bilan taqdirlandilar.
Respublikada ilk marotaba oʼtkazilayotgan uloq-koʼpkari boʼyicha xalqaro turnirning yarim final va final bahslari yanada shiddatli va qizgʼin oʼtdi. Yarim finalda "Oʼzbekiston-2" jamoasi "Surxon" jamoasini 4:0 hisobida magʼlub etdi. Finalda "Qozogʼiston" terma jamoasi hamda "Oʼzbekiston-1" jamoalari faxrli birinchi oʼrin uchun kuch sinashishdi. Jamoaviy tarzda murosasiz kechgan bahslarda, qozogʼistonlik chobogʼonlarning qoʼli baland keldi. 6:0 hisobida birinchi oʼrinni qoʼlga kiritishdi.
Termiz tumanida joylashgan Qorabayir otlari mahorat maktabida uloq-koʼpkari boʼyicha xalqaro turnirning tantanali ochilish marosimi boʼlib oʼtdi. Unda viloyat hokimi Toʼra Bobolov soʼzga chiqib, turnir ishtirokchilari, mehmonlar va koʼpkari ishqibozlarini samimiy tabrikladi. Xalqaro musobaqani ochiq deb eʼlon qildi. Xalqaro bellashuvda Oʼzbekiston, Rossiya, Qozogʼiston kabi davlatlarning eng mohir chavandozlari gʼoliblik uchun oʼzaro kuch sinashdi.
Oʼzbekiston Milliy gvardiyasi huzuridagi Qorabayir otlari mahorat maktabida Surxondaryo viloyatida oʼtkazilayotgan xalqaro uloq-koʼpkari musobaqasining qurʼa tashlash marosimi boʼlib oʼtdi.Unda xorijlik va mamlakatimiz chavandozlari jamoalarining maydonga tushishi qurʼa tashlash yoʼli bilan ochiq, oshkora aniqlab olindi. Prezidentimizning 2021 yil «Surxondaryo viloyatida qorabayir zotli otlarni yetishtirish va ommalashtirish hamda ot sporti turlarini yanada rivojlantirish chora-tadbirlari toʼgʼrisida» gi qarori ijrosi doirasida tashkil etilgan xalqaro turnir Termiz tumanida joylashgan Milliy gvardiya huzuridagi Qorabayir otlari mahorat maktabi maydonida boʼlib oʼtmoqda. Turnir nizomiga muvofiq, bellashuvning boshlanishi oldidan barcha jamoalarga musobaqaning tartib-taomillari tushuntirildi. Ishtirokchilar hamda muxlislarga hakamlar va jamoalar aʼzolari tanishtirildi. Oqsoqollar koʼpkarining yuqori saviyada oʼtishiga omad tilab, duoga qoʼl ochdi. 24 mart kuni jamoalar oʼrtasidagi saralash bosqichi qizgʼin kechdi. 25 mart kuni xalqaro turnirning tantanali ochilish marosimi boʼlib oʼtadi. Shundan soʼng eng epchil, eng abjir chavandozlar yarim final hamda final musobaqalarida ishtirok etadi va gʼolib jamoalar aniqlanadi.
Surxondaryo viloyati hokimligi, Sportni rivojlantirish vazirligi, Milliy gvardiya va Uloq-koʼpkari federatsiyasi tomonidan joriy yilning 24-26 mart kunlari ilk marotaba Termiz tumanida joylashgan "Qorabayir otlari mahorat maktabi"da uloq-koʼpkari boʼyicha xalqaro turnir oʼtkazilmoqda. Turnir oldidan Termiz shahridagi Matbuot uyida jurnalistlar va blogerlar uchun matbuot anjumani boʼlib oʼtdi.Ommaviy axborot vositalari vakillari, blogerlar, xorijlik mehmonlar, chavandozlar, murabbiylar ishtirok etgan tadbirda Milliy gvardiya qoʼmondoni oʼrinbosari Sarvar Mamayusupov, Oʼzbekiston uloq-koʼpkari federatsiyasi vitse prezidenti Erkin Аbzalov va boshqalar xalqaro musobaqaning milliy qadriyatlarimiz va milliy sport oʼyinlarimizni dunyoga keng tarannum etib, xalqlar oʼrtasidagi doʼstlik aloqalarini yanada mustahkamlashdagi ahamiyati haqida fikr yuritdi. Ot sporti xususan, uloq-koʼpkari musobaqasi nafaqat, Osiyo davlatlari balki, jahon xalqlarining sevimli mashgʼulotlaridan biriga aylanayotgani alohida taʼkidlandi.
2022 yilning 24-26 mart kunlari Termiz tumanida joylashgan Qorabayir otlari mahorat maktabida uloq-koʼpkari boʼyicha xalqaro turnir oʼtkaziladi. Turnirda mahalliy uloqchilardan tashqari yaqin va uzoq xorijiy mamlakatlardan ham mohir chavandozlar kuch sinashadi. Sovrin uchun katta pul mukofotlari va koʼplab qimmatli sovgʼalar qoʼyiladi. Turnir tashkilotchilari: Sportni rivojlantirish vazirligi, Surxondaryo viloyati hokimligi, Milliy gvardiya va Uloq-koʼpkari federatsiyasi
Navroʼz nafaqat yangilanish, balki moʼjizalar ayyomi. Sumalak toʼla doshqozonlar, fayzli dasturxon atrofida bildirilgan ezgu niyatlar yil davomida yurtimizga barakani boshlab keladi. Surxondaryo viloyatning asosiy Navroʼz sayli, Termiz tumanidagi Qorabayir otlari mahorat maktabi hududida ana shunday taassurotlar va koʼtarinki kayfiyat bilan oʼtdi.Navroʼz sayli davomida yoshlar oʼrtasida kurash, kamondan otish, arqon tortish, tosh koʼtarish, lanka tepish kabi milliy xalq oʼyinlari hamda sportning volebol, stol tennis turlari boʼyicha musobaqalar tashkil etildi. Shuningdek, yoshlar Qorabayir otlari mahorat maktabidagi otlarni minib, unda sayr ham qildilar.
