Ру O'z En
Ру Ўзб O'z En
404

Ўқувчилар учун навбатдаги машғулотлар

Термиз шаҳридаги 10-сонли умумтаълим мактаби ўқувчилари Миллий гвардия ҳузуридаги Қорабайир отлари маҳорат мактабида бўлиб, қорабайир зотли тулпорлар ҳамда от спортига оид қизиқарли маълумотларга эга бўлдилар.
404

Ҳаваскор ёшлар иштирокида машғулотлар

Миллий гвардия ҳузуридаги Қорабайир отлари маҳорат мактабида, Термиз шаҳридаги 11-сонли умумтаълим мактаби ўқувчилари ҳамда Термиз давлат университети талабалари учун навбатдаги маҳорат дарси ташкил этилди. Ажойиб таассуротларга бой бўлган машғулотларда ўғил-қизларнинг тулпорларга бўлган меҳри янада ортди.
404

Мактаб ўқувчилари учун маҳорат дарслари давом этмоқда

Сурхондарё вилояти Термиз шаҳридаги 24-сонли умумтаълим мактаби ўқувчилари учун Миллий гвардия ҳузуридаги Қорабайир отлари маҳорат мактаби ҳудудида камондан отиш ҳамда от спорти турлари бўйича амалий машғулотлар олиб борилди.
404

Ўзбекистон Республикаси Ҳарбий прокурори Қорабайир отлари маҳорат мактабига ташриф буюрди

Бош прокурор ўринбосари - Ўзбекистон Республикаси Ҳарбий прокурори Ботир Кудратходжаев томонидан Сурхондарё вилоятида ҳарбий қисм ва муассасаларда яратилган шарт-шароитлар, шахсий таркибнинг маънавий-руҳий аҳволи ўрганилди.  Хусусан, Термиз туманида жойлашган Миллий гвардия ҳузуридаги Қорабайир отлари маҳорат мактабида бўлиб, у ердаги шароитлар билан танишилиб, шахсий таркиб ва бир гуруҳ ёшлар билан суҳбат ўтказилди. Миллий гвардия ходимлари томонидан мактабга таклиф этилган ҳудуддаги уюшмаган ёшлар ва ўқувчиларга ҳарбий техникалар намойиш этилди.От спортининг “От устида кураш”, “Конкур” ҳамда “Тентпеггинг” турлари бўйича беллашувлар уюштирилди. Бу эса иштирокчиларга миллий ва замонавий от спорти турлари ҳақида илк таассуротлар уйғотди. Шундан сўнг, ёшлар ўртасида спортнинг камондан отиш тури бўйича ҳам мусобақалар ўтказилиб, уларнинг мерганлик қобилиятлари синовдан ўтказилди. Ташкил этилган тадбир ёшларга катта қизиқиш уйғотиб, кун давомида уларнинг вақти мазмунли ўтишига хизмат қилди.
404

Поло бўйича мусобақа бўлиб ўтди

Сурхондарё вилояти Термиз туманида жойлашган Миллий гвардия Қорабайир отлари маҳорати мактаби ҳудудида Миллий гвардия Сурхондарё вилояти бўйича бошқармаси, Қўриқлаш бошқармаси, Мудофаа ишлари бошқармаси, Қорабайир отлари маҳорат мактаби ва Чавандозлар мактаби ўртасида от спортининг "поло" тури бўйича мусобақа ўтказилди.
404

Президент мактабларида маҳорат дарси ўтказилмоқда

Ёшларни ҳарбий ватанпарварлик руҳида тарбиялаш, уларнинг бўш вақтларини мазмунли ўтказиш ва ёшларни от спортига жалб қилиш мақсадида Миллий гвардия Сурхондарё вилояти бўйича бошқармаси ҳамда Чавандозлар мактаби ҳамкорлигида Президент мактаби ўқувчилари учун маҳорат дарси ташкиллаштирилди.
404

Қорабайирда маҳорат дарслари бўлиб ўтмоқда

Ўзбекистон Республикаси Миллий Гвардияси ҳузуридаги Қорабайир отлари маҳорат мактаби томонидан мунтазам равишда маҳорат дарслари ўтказиб келинмоқда унда от спорти турларига қизиқувчи ёшлар ҳамда Термиз агротехнологиялар ва инновацион ривожланиш институти талабалари ва туманнинг "Орол " маҳалласи ёшлари иштирок этишди.От спорти турлари билан яқиндан танишган иштиёқманд аҳоли вакиллари отни эгарлаш бўйича дастлабки кўникмаларни эгаллашди
404

Маҳорат дарслари олиб борилмоқда

Куни кеча Термиз туманида жойлашган Ўзбекистон Республикаси Миллий гвардияси ҳузуридаги Қорабайир отлари маҳорат мактабида тумандаги от спорти турларига қизиқувчи ёшлар ҳамда ҳаваскорлар учун навбатдаги маҳорат дарслари ташкил этилди. Унда иштирокчилар отни эгарлаш ва миниш борасида дастлабки кўникмаларини шакллантирдилар.

404

Маҳорат дарслари олиб борилмоқда

“Элни ё полвони, ё оти танитади”, дейди доно халқимиз.Куни кеча Термиз туманида жойлашган Ўзбекистон Республикаси Миллий гвардияси ҳузуридаги Қорабайир отлари маҳорат мактабида тумандаги от спорти турларига қизиқувчи ёшлар ҳамда ҳаваскорлар учун навбатдаги маҳорат дарслари ташкил этилди. Унда иштирокчилар отни эгарлаш ва миниш борасида дастлабки кўникмаларини шакллантирдилар.
404

Тўгаракларда машғулотлар мунтазам олиб борилмоқда

Куни кеча Термиз туманидаги Болалар ва ўсмирлар спорт мактабида, ёзги таътил кунларини спорт билан мароқли ўтказаётган ёшлар иштирокида камондан отиш ва от спорти бўйича навбатдаги маҳорат дарслари ташкил этилди. Ҳудудда фаолият юритаётган мазкур миллий спорт турларидаги секцияларда кўплаб ёшлар шуғулланиб келишмоқда. Миллий гвардия Термиз тумани Қўриқлаш бўлими ҳамда Чавандозлар мактаби ходимлари ҳамкорлигида турли қизиқарли мусобақалар ташкиллаштирилиб, ёшларнинг миллий ўйинларга қизиқишини оширишга, оммавийлигини таъминлашга эътибор қаратилмоқда.
404

Мардлар беллашувида маҳорат мактаби чавандозлари ғолиб бўлишди

Куни кеча Миллий гвардия ҳузуридаги Қорабайир отлари маҳорат мактаби ҳудудида, вилоятдаги ҳуқуқни муҳофаза қилувчи органлар, куч тузилмалар ҳарбий хизматчилари ва ходимлари ҳамда Қорабайир отлари маҳорат мактаби, Чавандозлар мактаблари вакиллари иштирокида жамоавий улоқ-кўпкари мусобақаси ташкил этилди. Қизғин баҳсларга бой бўлган мардлар ўйинида Қорабайир отлари маҳорат мактаби чавандозларидан иборат жамоа мутлоқ ғолибликни қўлга киритдилар.
404

От устида кураш мусобақаси ташкил этилди

"Бойсун баҳори" халқаро фольклор фестивали доирасида ташкил этилган от устида кураш мусобақаси қизғин ва муросасиз бўлди. Мазкур беллашувларни хорижий давлатлардан ташриф буюрган меҳмонлар ҳам катта қизиқиш билан кузатиб бордилар. Мусобақаларда ғолиб бўлган чавандозлар пул мукофоти билан рағбатлантирилди. Шунингдек, фестивал доирасида, иштирокчилар учун от миниш, унда сайр қилиш имконияти ҳам яратилди.
404

Чавандозларимиз ғолиб бўлишди

Жорий йилнинг 8 май куни Тошкент вилоятида, 9 май – "Хотира ва қадрлаш куни" муносабати билан, Ўзбекистон Республикаси Миллий гвардиясининг ҳудудлардаги Чавандозлар мактаблари ҳамда Қорабайир отлари маҳорат мактаби чавандозлари ўртасида жамоавий улоқ кўпкари бўйича "Қўмондон қубоги" мусобақаси бўлиб ўтди. Жамоавий улоқ-кўпкари мусобақасида 3-ўринни Тошкент шаҳар Чавандозлар мактаби жамоаси, фахрли 2-ўринни Тошкент вилояти Чавандозлар мактаби жамоаси ва мутлоқ ғолибликни Сурхондарё вилоятидаги Қорабайир отлари маҳорат мактаби чавандозлари қўлга киритишди. Мусобақада фоал иштирок этган жамоалар Миллий гвардия қўмондонлиги томонидан муносиб рағбатлантирилиб, ғолибларга 1,2 ва 3-даражали дипломлар ҳамда қўмондон кубоги топширилди.
404

Ёшларга мерганлик ва чавандозлик борасида дастлабки кўникмалар берилди

Бугунги кунда юртимизда аждодларимиздан мерос бўлиб қолган миллий ўйинлар, урф-одат ва қадриятларни ёшлар ўртасида оммалаштириш, мазкур йўналишда уларни фаол жалб этиш ишларига алоҳида эътибор қаратилмоқда. Жумладан, ҳудудларда камондан отиш ҳамда от спорти турларини ривожлантириш, тарғиб этиш, ёш спортчиларни тайёрлаш борасида Миллий гвардия бўлинмалари томонидан қатор чора-тадбирлар амалга оширилиб, жойлардаги секцияларда турли машғулотлар ҳамда мусобақалар олиб борилмоқда. Куни кеча Сурхондарё вилоятининг Термиз туманидаги болалар ва ўсмирлар спорт мактабида, умумтаълим мактаблари ўқувчилари ўртасида ҳам навбатдаги маҳорат дарслари ташкил этилди. Миллий гвардия Сурхондарё вилояти Қўриқлаш бошқармаси ҳамда Қорабайир отлари маҳорат мактаби ҳамкорлигида ўтказилган тадбирда, ўғил-қизлар мерганлик ва чавандозлик борасида ўз кўникмаларини шакллантирдилар. Ёшларга камондан отишнинг асослари, хавфсизлик қоидалари, от миниш ҳамда уни эгарлаш тартиблари бўйича йўриқномалар берилди. Шундан сўнг, амалий тарзда иштирокчилар ўзларини синаб кўрдилар. Тадбир давомида фаол қатнашган ёшларга ташкилотчилар томонидан фахрий ёрлиқлар топширилди.
404

Қорабайир зотли отлар кўпайтирилмоқда

Президентимизнинг “Сурхондарё вилоятида қорабайир зотли отларни етиштириш ва оммалаштириш ҳамда от спорти турларини янада ривожлантириш чора-тадбирлари тўғрисида”ги Қарори ижроси доирасида, Термиз туманида ташкил этилган Миллий гвардия ҳузуридаги Қорабайир отлари маҳорат мактабида миллий меросимизнинг ажралмас қисми бўлган Қорабайир зотли отларни кўпайтириш ҳамда уларни от спортига кенг жалб этишга алоҳида эътибор қаратилмоқда. Бугунги кунда мазкур ҳудудда наслчилик ишларини такомиллаштириш орқали Қорабайир зотли отлар бош сони кўпайтирилмоқда.
404

"Ёш гвардиячи" ҳарбий спорт мусобақасининг вилоят босқичи бўлиб ўтди

Миллий гвардия ҳузуридаги Қорабайир отлари маҳорат мактаби ҳудудида "Ёш гвардиячи" ҳарбий-спорт мусобақасининг вилоят босқичи ташкил этилди. Қизғин ва муросасиз баҳсларга бой бўлган мусобақа давомида иштирокчи жамоалар, ҳарбий мажмуавий эстафета (умумҳимоя тўпламини кийган ҳолда заҳарланган ҳудуддан ўтиш, автоматни нотўлиқ қисмларга ажратиш ва йиғиш, ўқ-дориларни белгиланган жойга етказиш, беморга биринчи тез тиббий ёрдам кўрсатиш, отларни эгарлаш), сувли тўсиқдан ўтиш, камондан отиш, саф тайёргарлиги ҳамда билимдонлар беллашуви каби 5 та шартларда ўзаро беллашдилар. Унда шижоати ва эпчиллиги билан юқори натижаларни қайд этган Музработ тумани 51-сонли ихтисослаштирилган умумтаълим мактаби ҳарбий ватанпарварлик синфи ўқувчиларидан ташкил топган "Қалқон" жамоаси мусобақанинг вилоят босқичида мутлоқ ғолибликни қўлга киритиб, Республика босқичига йўлланмани қўлга киритди.
404

От устида кураш

Куни кеча Бойсун туманидаги Дарбанд маҳалласида уюшмаган ёшлар ҳамда умумтаълим мактабларидаги ўқувчи ёшлар ўртасида от устида кураш миллий спорт мусобақаси ташкил этилди. Унда иштирокчи полвонларнинг чапдастлиги, от миниш маҳорати намоён бўлди.
404

Ёшларнинг тулпорларга бўлган меҳри ортмоқда

Куни кеча "Оилавий болалар уйи"даги ўғил-қизларни от спортига қизиқтириш, чавандозлик сирларини ўргатиш, тулпорларга бўлган меҳрини ошириш мақсадида, Термиз туманидаги Миллий гвардия ҳузуридаги Қорабайир отлари маҳорат мактабида навбатдаги назарий ва амалий машғулотлар олиб борилди. Ёшларга Қорабайир отлари ҳақида маълумотлар берилиб, от миниш бўйича дастлабки кўникмалари шакллантирилди.
404

Қорабайир отлари маҳорат мактаби ҳудудида "Чавандозлар мактаби" очилди

Президентимизнинг "Чавандозлар мактаблари фаолиятини ташкил этиш чора-тадбирлари тўғрисида"ги қарори ижроси доирасида Термиз туманида жойлашган Миллий гвардия ҳузуридаги Қорабайир отлари маҳорат мактаби ҳудудида "Чавандозлар мактаби"нинг очилиш маросими бўлиб ўтди. Маросимда Халқаро улоқ-кўпкари мусобақасида иштирок этган хорижий меҳмонлар, чавандозлар, Миллий гвардия раҳбарияти иштирок этди. Тадбирда иштирок этганлар мактабда яратилган шароитлар билан яқиндан танишдилар.
404

Халқаро улоқ-кўпкари мусобақаси ғолиблари тақдирланди

Нуфузли мусобақанинг якуний натижаларига кўра:"Қозоғистон" жамоаси - 1-ўрин;"Ўзбекистон-1" жамоаси - 2-ўрин; "Ўзбекистон-2" жамоаси - 3-ўринни қўлга киритди. Турнир давомида барча чавандозлар иштирокида оломон улоқ-кўпкари ўйинлари ҳам ўтказилди. Мусобақада ғолибликни қўлга киритган барча жамоалар ва чавандозлар, ташкилотчилар томонидан пул мукофоти ҳамда мусобақа кубоги, диплом, медаль ва қимматбаҳо совғалар билан тақдирландилар.
404

Халқаро улоқ-кўпкари мусобақаси қизғин кечди

Республикада илк маротаба ўтказилаётган улоқ-кўпкари бўйича халқаро турнирнинг ярим финал ва финал баҳслари янада шиддатли ва қизғин ўтди. Ярим финалда "Ўзбекистон-2" жамоаси "Сурхон" жамоасини 4:0 ҳисобида мағлуб этди. Финалда "Қозоғистон" терма жамоаси ҳамда "Ўзбекистон-1" жамоалари фахрли биринчи ўрин учун куч синашишди. Жамоавий тарзда муросасиз кечган баҳсларда, қозоғистонлик чобоғонларнинг қўли баланд келди. 6:0 ҳисобида биринчи ўринни қўлга киритишди.
404

Халқаро улоқ-кўпкари мусобақасининг тантанали очилиш маросими бўлиб ўтди

Термиз туманида жойлашган Қорабайир отлари маҳорат мактабида улоқ-кўпкари бўйича халқаро турнирнинг тантанали очилиш маросими бўлиб ўтди. Унда вилоят ҳокими Тўра Боболов сўзга чиқиб, турнир иштирокчилари, меҳмонлар ва кўпкари ишқибозларини самимий табриклади. Халқаро мусобақани очиқ деб эълон қилди. Халқаро беллашувда Ўзбекистон, Россия, Қозоғистон каби давлатларнинг энг моҳир чавандозлари ғолиблик учун ўзаро куч синашди.
404

Сурхондарёда халқаро улоқ-кўпкари мусобақаси бошланди

Ўзбекистон Миллий гвардияси ҳузуридаги Қорабайир отлари маҳорат мактабида Сурхондарё вилоятида ўтказилаётган халқаро улоқ-кўпкари мусобақасининг қуръа ташлаш маросими бўлиб ўтди. Унда хорижлик ва мамлакатимиз чавандозлари жамоаларининг майдонга тушиши қуръа ташлаш йўли билан очиқ, ошкора аниқлаб олинди. Президентимизнинг 2021 йил «Сурхондарё вилоятида қорабайир зотли отларни етиштириш ва оммалаштириш ҳамда от спорти турларини янада ривожлантириш чора-тадбирлари тўғрисида» ги қарори ижроси доирасида ташкил этилган халқаро турнир Термиз туманида жойлашган Миллий гвардия ҳузуридаги Қорабайир отлари маҳорат мактаби майдонида бўлиб ўтмоқда. Турнир низомига мувофиқ, беллашувнинг бошланиши олдидан барча жамоаларга мусобақанинг тартиб-таомиллари тушунтирилди. Иштирокчилар ҳамда мухлисларга ҳакамлар ва жамоалар аъзолари таништирилди. Оқсоқоллар кўпкарининг юқори савияда ўтишига омад тилаб, дуога қўл очди. 24 март куни жамоалар ўртасидаги саралаш босқичи қизғин кечди. 25 март куни халқаро турнирнинг тантанали очилиш маросими бўлиб ўтади. Шундан сўнг энг эпчил, энг абжир чавандозлар ярим финал ҳамда финал мусобақаларида иштирок этади ва ғолиб жамоалар аниқланади.
404

Халқаро улоқ-кўпкари мусобақаси олдидан матбуот анжумани ташкил этилди

Сурхондарё вилояти ҳокимлиги, Спортни ривожлантириш вазирлиги, Миллий гвардия ва Улоқ-кўпкари федерацияси томонидан жорий йилнинг 24-26 март кунлари илк маротаба Термиз туманида жойлашган "Қорабайир отлари маҳорат мактаби"да улоқ-кўпкари бўйича халқаро турнир ўтказилмоқда. Турнир олдидан Термиз шаҳридаги Матбуот уйида журналистлар ва блогерлар учун матбуот анжумани бўлиб ўтди. Оммавий ахборот воситалари вакиллари, блогерлар, хорижлик меҳмонлар, чавандозлар, мураббийлар иштирок этган тадбирда Миллий гвардия қўмондони ўринбосари Сарвар Мамаюсупов, Ўзбекистон улоқ-кўпкари федерацияси вице президенти Эркин Абзалов ва бошқалар халқаро мусобақанинг миллий қадриятларимиз ва миллий спорт ўйинларимизни дунёга кенг тараннум этиб, халқлар ўртасидаги дўстлик алоқаларини янада мустаҳкамлашдаги аҳамияти ҳақида фикр юритди. От спорти хусусан, улоқ-кўпкари мусобақаси нафақат, Осиё давлатлари балки, жаҳон халқларининг севимли машғулотларидан бирига айланаётгани алоҳида таъкидланди.
404

Сурхондарёда улоқ-кўпкари бўйича халқаро турнир ўтказилади

2022 йилнинг 24-26 март кунлари Термиз туманида жойлашган Қорабайир отлари маҳорат мактабида улоқ-кўпкари бўйича халқаро турнир ўтказилади. Турнирда маҳаллий улоқчилардан ташқари яқин ва узоқ хорижий мамлакатлардан ҳам моҳир чавандозлар куч синашади. Соврин учун катта пул мукофотлари ва кўплаб қимматли совғалар қўйилади. Турнир ташкилотчилари: Спортни ривожлантириш вазирлиги, Сурхондарё вилояти ҳокимлиги, Миллий гвардия ва Улоқ-кўпкари федерацияси
404

Ассалом, Наврўз — янгиланиш, меҳр-оқибат ва қадр-қиммат айёми!

Наврўз нафақат янгиланиш, балки мўъжизалар айёми. Сумалак тўла дошқозонлар, файзли дастурхон атрофида билдирилган эзгу ниятлар йил давомида юртимизга баракани бошлаб келади. Сурхондарё вилоятнинг асосий Наврўз сайли, Термиз туманидаги Қорабайир отлари маҳорат мактаби ҳудудида ана шундай таассуротлар ва кўтаринки кайфият билан ўтди.Наврўз сайли давомида ёшлар ўртасида кураш, камондан отиш, арқон тортиш, тош кўтариш, ланка тепиш каби миллий халқ ўйинлари ҳамда спортнинг волебол, стол теннис турлари бўйича мусобақалар ташкил этилди. Шунингдек, ёшлар Қорабайир отлари маҳорат мактабидаги отларни миниб, унда сайр ҳам қилдилар.
404

ОЛТИНСОЙЛИК ЁШЛАР УЧУН СПОРТ, МАДАНИЙ-МАЪРИФИЙ ТАДБИРЛАР ТАШКИЛ ЭТИЛДИ

Олтинсой тумани “Чеп” Маҳалла фуқаролар йиғини ёшлар етакчиси ҳудудида жойлашган 2-сонли умумтаълим мактабида Миллий гвардия ташаббуси билан ўқувчилар ҳамда маҳалладаги ёшлар иштирокида беш ташаббус доирасида маданий-маърифий ва спорт тадбирлари ташкил этилди. Унда ўғил-қизлар, заковат интелектуал ўйинида, спортнинг камондан отиш, волебол, баскетбол, шахмат-шашка каби турлари бўйича ўзаро беллашдилар. Шунингдек, тадбир давомида ёшлар мусиқа ва санъат йўналишида ўз иқтидорларини ҳам намоён этдилар. Бундан ташқари маҳалла йигитлари ҳарбий ватанпарварлик йўналишидаги “Ёш гвардиячилар” ҳарбий спорт мусобақаларида ғолиблик учун куч синашдилар. Турли эстафеталарга бой ўтган тадбир ёшларда ўзгача таассурот қолдирди. Тадбир сўнгида ғолиб ва фаол ёшларга ташкилотчилар томонидан эсдалик совғалари тақдим этилди.
404

Ёшлар етакчилари билан семинар ўқув машғулоти ташкиллаштирилди

Олтинсой туманида Ўзбекистон Республикаси Миллий гвардияси қўмондони ўринбосари полковник С.Мамаюсупов ҳамда Олтинсой тумани ҳокимининг биринчи ўринбосари И.Бабакулов бошчилигида тумандаги сектор раҳбарлари ҳамда туманнинг 54 та маҳаллаларидаги ёшлар етакчилари билан учрашув ташкил этилди. Унда, тумандаги ҳар бир маҳалладаги ёшлар муаммолари сектор раҳбарларининг ҳам муаммоси эканлиги, ёшлар етакчилари фаолияти тўлиқ қўллаб-қувватланиши таъкидланди. Шунингдек, учрашув давомида ёшлар етакчиларининг фикр-мулоҳазалари ва таклифлари тингланиб, шу жойнинг ўзида муҳокама қилинди ҳамда чора-тадбирлар белгилаб олинди.Тадбирда тумандаги уюшмаган ёшлар ва аҳолининг ишсиз бўлган қатламини иш билан таъминлаш, ёшларнинг бўш вақтларини мазмунли ташкил этиш ҳамда спорт ва фан тўгаракларига жалб қилиш лозимлиги қайд этилди. Шу билан бирга маҳалла ёшлар етакчисинининг бир куни номли видеоролик йиғилганлар эътиборига ҳавола этилди.
404

Бандихон туманида кўпкари мусобақаси ўтказилди

Кўпкари, улоқ халқимизнинг қадимий миллий ўйинларидан саналади. Куни кеча Сурхондарё вилоятининг Бандихон туманида ташкил этилган мардлар ўйинида воҳалик 100 нафарга яқин чавандозлар иштирок этдилар. Миллий гвардия ҳузуридаги Қорабайир отлари маҳорат мактаби, Қизириқ туманлараро қўриқлаш бўлими, туман ҳокимлиги ҳамда маҳаллий чавандозлар ҳамкорлигида ўтказилган беллашувлар катта-ю кичик томошабинларга, айниқса, ёшларга катта завқ бағишлади.
404

МИЛЛИЙ AРМИЯМИЗ – ЁШЛAР НИГОҲИДA

Куни кеча Бойсун тумани Инкобод маҳалласида Президентимизнинг “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги Қарори ижроси доирасида “Миллий армиямиз – ёшлар нигоҳида” шиори остида ҳарбий ватанпарварлик фестивали бўлиб ўтди. Жанубий оператив йўналиш Қўмондонлиги, туман ҳокимлиги, сектор раҳбарлари, Миллий гвардия туман Қўриқлаш бўлими, Фавқулодда вазиятлар, Мудофаа ишлари, Республика маънавият ва маърифат маркази, Ёшлар ишлари агентлиги, Халқ таълими, Туризм ва спорт бўлимлари масъуллари ҳамкорлигида ташкил этилган фестивалда кенг жамоатчилик вакиллари, нуронийлар, маҳаллалардаги уюшмаган ёшлар иштирок этишди. Тадбир доирасида, тош кўтариш, арқон тортиш, кураш, милтиқдан ўқ отиш, камондан отиш, волейбол, от устида кураш каби миллий спорт турларида мусобақалар ҳамда заковат ўйинлари ўтказилди. Якунда мусобақаларда иштирок этиб, ғолибликни қўлга киритган ёшларга ташкилотчилар томонидан эсдалик совғалари топширилди.
404

“Ёш гвардиячи” ҳарбий-спорт мусобақаси бўлиб ўтди

Миллий гвардия ҳузуридаги Қорабайир отлари маҳорат мактабида, Миллий гвардия Сурхондарё вилояти бўйича бошқармаси томонидан Термиз шаҳридаги 9 ва 26-сонли умум таълим мактаби ўқувчилари ўртасида “Ёш гвардиячи” ҳарбий-спорт мусобақаси ташкил этилди. Қизғин ва муросасиз курашларга бой бўлган мусобақада иштирокчи жамоалар, заҳарланган ҳудуддан ўтиш, автоматни нотўлиқ қисмларга ажратиш ва йиғиш, 400 метр масофага эстафета югуриш, беморга биринчи тиббий ёрдам кўрсатиш, арқон тортиш, армрестлинг ҳамда от эгарлаш ва от устида кураш каби шартларда ўзаро беллашдилар. Ўзларининг шижоати ва эпчиллиги билан барча жамоалардан устун келган 9-сонли ихтисослаштирилган умумтаълим мактаби ўқувчиларидан иборат "Алпомиш" жамоаси беллашувларнинг ғолиби бўлишди. Якунда барча ғолиб ва совриндорларга Миллий гвардия томонидан кубог, медаль ва эсдалик совғалари топширилди.
404

Ҳурматли тадбиркорлар!

Ўзбекистон Республикаси Миллий гвардияси ҳузурида Термиз тумани Янгиобод маҳалласи ҳудуди (эски отчопар мажмуаси)да Қорабайир отлари маҳорат мактаби ташкил етилди. 64.6 га умумий ер майдонига эга мактаб ҳудудида туризм инфратузилмаларини ташкил этиш кўзда тутилмоқда.Шу муносабат билан вилоят тадбиркорларини Қорабайир отлари маҳорат мактаби ҳудудидаги туризм инфратузилма лойиҳаларини амалга оширишга таклиф этамиз.Қорабайир отлар маҳорат мактабида тадбиркорлар қуйидаги туризм инфратузилмаларини барпо этишлари мумкин:1. Паинтбалл.2. Голф.3. Картинг (кичкина автомобиллар пойгаси).4. Скалодром (сунъий қоятош).5. Поло (от спорти).6. Ҳунармандчилик (темирчилик, тери ва ёғоч маҳсулотларидан анжомлар тайёрлаш) устахонаси.7. Қимиз маҳсулотлари ишлаб чиқариш ва сотиш шаҳобчаси.8. 2 та тез пишадиган таомлар тайёрлаш шаҳобчаси ва яхна ичимлик савдо нуқталари.9. Сувенер маҳсулотлари савдоси дўкони.10. 50 та автомобилга мўлжалланган автотураргоҳ.11. 2 та санитария гегиена шаҳобчаси .12. 2 та ювиниш хонаси (душ), 2 та таҳоратхона (эркак ва аёллар учун алоҳида), 2 та намозхона ташкил этиш.13. 1 та туризм ахборот маркази.14. болалар учун махсус ўйингоҳ.15. Тижорат банклари томонидан пул маблағларини нақд пулга алмаштириш ҳамда бошқа нақд ва нақдсиз ҳисоб-китоб банк операцияларини амалга ошириш имконини берадиган банк шахобчалари ҳамда ўз-ўзига хизмат кўрсатиш терминаллари ва банкоматлар ўрнатилади.Изоҳ: Ушбу лойиҳаларни амалга ошириш учун мактаб ҳудудидан тадбиркорлар ва тижорат банкларига узоқ йиллик ижара ҳуқуқи асосида ер майдони ажратилади.Тадбиркорлар савдо нуқталари ва бошқа обьектларни тасдиқланган лойиҳа асосида енгил конструкцияли материаллардан қуриб фойдаланади.Ҳозир маҳорат мактабидаги отлардан фойдаланиш учун қатор хизмат турлари жорий этилган бўлиб, бир марталик маҳорат дарсларида қатнашишингиз, шунингдек, отларни бир соатдан бир кун муддатга ижарага олишингиз мумкин. Бундан ташқари, аҳолининг тўй ва бошқа байрамларини нишонлашда отларни ижарага олиш, файтунда сайр қилдириш, отлар билан фотосессия қилиш, маҳорат мактаби ҳудудида клиплар ва бошқа суратга олиш майдонларидан ижара ҳамда бошқа тўловлар асосида фойдаланишингиз мумкин.Олдиндан қилинган тўловлар учун 10 фоиздан 30 фоизгача чегирмалар жорий қилинган. Маълумот учун телефонлар: Қорабайир отлар маҳорат мактаби директори Жумаев Маматқул (+998 94) 485-01-39.Вилоят ижара маркази директори – Намозов Йўлдош (+998 93) 633-42-54.Вилоят туризм ва спорт бош бошқармаси бўлим бошлиғи – Холниёзов Хайрулла (+998 97) 243-28-68.
404

Қорабайир зотли отлар ёшларимиз учун ғурур тимсоли

Куни кеча Миллий гвардия ҳузуридаги Қорабайир отлари маҳорат мактабида “Оилавий болалар уйи” ўғил-қизлари учун навбатдаги ўқув амалий машғулот ташкил этилди. Унда ёшларга Қорабайир зотли отларнинг хусусиятлари, миллий ва замонавий от спорти ўйинлари ҳақида батафсил маълумотлар берилди. Чавандозлик сирлари, от миниш, уни эгарлаш борасида дастлабки билим ва кўникмалари шакллантирилди.
404

Ёш чавандозлар беллашди

Куни кеча Термиз туманидаги "Намуна" МФЙ ҳудудида маҳаллий чобоғонлар иштирокида улоқ-кўпкари мусобақаси ташкил этилди. Мазкур мардлар ўйинида Қорабайир отлари маҳорат мактаби аъзолари, ёш чавандозлар ҳам фаол иштирок этиб, қўйилган кўплаб совринларни қўлга киритдилар.
404

УЛОҚ-КЎПКAРИ БAҲСЛAРИ ЎТКAЗИЛДИ

Мамлакатимизда Президентимиз ташаббуси билан Қорабайир зотли отлар ҳамда йилқичиликни янада ривожлантириш борасида бир қатор ишлар амалга оширилмоқда. Ҳудудларда турли от спорти ўйинлари ташкил этилиб, ёшларни қизиқтириш, миллий қадриятларимизни аҳоли ўртасида кенг тарғиб қилишга алоҳида эътибор қаратилмоқда. Куни кеча Жарқўрғон туманидаги “Қораянтоқ” маҳалласи қир адирларида Ўзбекистон Республикаси Қуролли Кучлари ташкил этилганлигининг 30 йиллиги ҳамда 14 январь – “Ватан ҳимоячилари куни” муносабати билан туман ҳокими соврини учун навбатдаги улоқ-кўпкари мусобақаси бўлиб ўтди. Мардлар ўйинида маҳаллий чавандозларнинг маҳоратларини от ишқибозлари катта қизиқиш билан кузатиб бордилар. Қизғин ва муросасиз кечган баҳсларда улоқ айирган чобоғонлар ташкилотчилар томонидан муносиб рағбатлантирилди.
404

"Ҳарбий-ватанпарлик ойлиги" доирасида этноспорт тадбирлари ташкил этилди

Жорий йилнинг 7 январь куни Термиз туманидаги Миллий гвардия ҳузуридаги Қорабайир отлари маҳорат мактаби ҳудудида "Ҳарбий-ватанпарварлик ойлиги" доирасида ёшлар ўртасида спортнинг камондан отиш, от устида кураш, жамоавий улоқ кўпкари, беш кураш, арқон тортиш ҳамда стол теннис турлари бўйича вилоят биринчилиги мусобақалари ташкил этилди. Ёшларнинг қишки таътил кунларини мароқли ташкил этиш, уларни миллий спорт ўйинларимизга жалб этиш, ватанпарварлик туйғуларини шакллантириш мақсадида ўтказилган тадбирда, 500 нафардан ортиқ ёшлар муносиб иштирок этдилар. Қизғин беллашувларда етук ирода, чапдастлик, чавандозлик ва мерганлик маҳоратини намойиш этиб, ғолиб бўлган спортчилар Миллий гвардиянинг кубог, медал ва қимматбаҳо совғалари билан тақдирландилар.

Меню

404

© 2021 Барча ҳуқуқлар ҳимояланган

© 2021 Барча ҳуқуқлар ҳимояланган

Сайт яратувчиси: Online Service Group

Нажмите на кнопку ниже, чтобы прослушать текст Powered by GSpeech