Qorabayir otlari

"Har bir yigitning uyida oti bo`lsin"

"Qorabayir zotli otlar yoshlarimiz uchun g'urur timsoli"

Maktabimiz haqida

Chavandozlik bolalikdagi orzuingiz bo‘lsa, yoki siz shunchaki ot minishni o‘rganmoqchi bo‘lsangiz – o‘zingizni sinab ko‘ring. Ot minish qiziqarli va hatto hayojonlidir. Ot mard yigitning do‘stidir. Mohir chavandoz bo‘lishni, milliy va zamonaviy ot sporti o‘yinlariga qatnashishni, Qorabayir zotli otlar bilan do‘stlashishni xoxlaysizmi? Unda bizning Qorabayir otlari mahorat maktabimizga tashrif buyuring.

o`quvchilar

mutaxassislar

ta`lim vaqti (yil)

tayyorlangan otlar

Yangiliklar

O`quvchilar uchun navbatdagi mashg`ulotlar

Termiz shahridagi 10-sonli umumta'lim maktabi o‘quvchilari Milliy gvardiya huzuridagi Qorabayir otlari mahorat maktabida bo‘lib, qorabayir zotli tulporlar hamda ot sportiga oid qiziqarli ma'lumotlarga ega bo‘ldilar.

Havaskor yoshlar ishtirokida mashg`ulotlar

Milliy gvardiya huzuridagi Qorabayir otlari mahorat maktabida, Termiz shahridagi 11-sonli umumta'lim maktabi o‘quvchilari hamda Termiz davlat universiteti talabalari uchun navbatdagi mahorat darsi tashkil etildi. Ajoyib taassurotlarga boy bo‘lgan mashg‘ulotlarda o‘g‘il-qizlarning tulporlarga bo‘lgan mehri yanada ortdi.

Maktab o‘quvchilari uchun mahorat darslari davom etmoqda

Surxondaryo viloyati Termiz shahridagi 24-sonli umumta'lim maktabi o‘quvchilari uchun Milliy gvardiya huzuridagi Qorabayir otlari mahorat maktabi hududida kamondan otish hamda ot sporti turlari bo‘yicha amaliy mashg‘ulotlar olib borildi.

O‘zbekiston Respublikasi Harbiy prokurori Qorabayir otlari mahorat maktabiga tashrif buyurdi

Bosh prokuror o‘rinbosari - O‘zbekiston Respublikasi Harbiy prokurori Botir Kudratxodjaev tomonidan Surxondaryo viloyatida harbiy qism va muassasalarda yaratilgan shart-sharoitlar, shaxsiy tarkibning ma'naviy-ruhiy ahvoli o‘rganildi. Xususan, Termiz tumanida joylashgan Milliy gvardiya huzuridagi Qorabayir otlari mahorat maktabida bo‘lib, u yerdagi sharoitlar bilan tanishilib, shaxsiy tarkib va bir guruh yoshlar bilan suhbat o‘tkazildi. Milliy gvardiya xodimlari tomonidan maktabga taklif etilgan hududdagi uyushmagan yoshlar va o‘quvchilarga harbiy texnikalar namoyish etildi.Ot sportining “Ot ustida kurash”, “Konkur” hamda “Tentpegging” turlari bo‘yicha bellashuvlar uyushtirildi. Bu esa ishtirokchilarga milliy va zamonaviy ot sporti turlari haqida ilk taassurotlar uyg‘otdi. Shundan so‘ng, yoshlar o‘rtasida sportning kamondan otish turi bo‘yicha ham musobaqalar o‘tkazilib, ularning merganlik qobiliyatlari sinovdan o‘tkazildi. Tashkil etilgan tadbir yoshlarga katta qiziqish uyg‘otib, kun davomida ularning vaqti mazmunli o‘tishiga xizmat qildi.

Polo bo`yicha musobaqa bo`lib o`tdi

Surxondaryo viloyati Termiz tumanida joylashgan Milliy gvardiya Qorabayir otlari mahorati maktabi hududida Milliy gvardiya Surxondaryo viloyati bo‘yicha boshqarmasi, Qo‘riqlash boshqarmasi, Mudofaa ishlari boshqarmasi, Qorabayir otlari mahorat maktabi va Chavandozlar maktabi o‘rtasida ot sportining "polo" turi bo‘yicha musobaqa o‘tkazildi.

PREZIDENT MAKTABLARIDA MAHORAT DARSI O‘TKAZILMOQDA

Yoshlarni harbiy vatanparvarlik ruhida tarbiyalash, ularning bo‘sh vaqtlarini mazmunli o‘tkazish va yoshlarni ot sportiga jalb qilish maqsadida Milliy gvardiya Surxondaryo viloyati bo‘yicha boshqarmasi hamda Chavandozlar maktabi hamkorligida Prezident maktabi o‘quvchilari uchun mahorat darsi tashkillashtirildi.Mazkur tadbir yoshlarimiz qalbida katta taassurot va qiziqishlar qoldirdi.

Qorabayirda mahorat darslari bo‘lib o‘tmoqda

O'zbekiston Respublikasi Milliy Gvardiyasi huzuridagi Qorabayir otlari mahorat maktabi tomonidan muntazam ravishda mahorat darslari o'tkazib kelinmoqda unda ot sporti turlariga qiziquvchi yoshlar hamda Termiz agrotexnologiyalar va innovatsion rivojlanish instituti talabalari va tumanning "Orol " mahallasi yoshlari ishtirok etishdi.Ot sporti turlari bilan yaqindan tanishgan ishtiyoqmand aholi vakillari otni egarlash bo‘yicha dastlabki ko‘nikmalarni egallashdi

Mahorat darslari bo‘lib o‘tmoqda.

Kuni kecha Termiz tumanida joylashgan O'zbekiston Respublikasi Milliy gvardiyasi huzuridagi Qorabayir otlari mahorat maktabida tumandagi ot sporti turlariga qiziquvchi yoshlar hamda havaskorlar uchun navbatdagi mahorat darslari tashkil etildi. Unda ishtirokchilar otni egarlash va minish borasida dastlabki ko`nikmalarini shakllantirdilar.

Mahorat darslari olib borilmoqda

“Elni yo polvoni, yo oti tanitadi”, deydi dono xalqimiz.Kuni kecha Termiz tumanida joylashgan O'zbekiston Respublikasi Milliy gvardiyasi huzuridagi Qorabayir otlari mahorat maktabida tumandagi ot sporti turlariga qiziquvchi yoshlar hamda havaskorlar uchun navbatdagi mahorat darslari tashkil etildi. Unda ishtirokchilar otni egarlash va minish borasida dastlabki ko`nikmalarini shakllantirdilar.

To‘garaklarda mashg‘ulotlar muntazam olib borilmoqda

Kuni kecha Termiz tumanidagi Bolalar va oʼsmirlar sport maktabida, yozgi taʼtil kunlarini sport bilan maroqli oʼtkazayotgan yoshlar ishtirokida kamondan otish va ot sporti boʼyicha navbatdagi mahorat darslari tashkil etildi. Hududda faoliyat yuritayotgan mazkur milliy sport turlaridagi sektsiyalarda koʼplab yoshlar shugʼullanib kelishmoqda. Milliy gvardiya Termiz tumani Qoʼriqlash boʼlimi hamda Chavandozlar maktabi xodimlari hamkorligida turli qiziqarli musobaqalar tashkillashtirilib, yoshlarning milliy oʼyinlarga qiziqishini oshirishga, ommaviyligini taʼminlashga eʼtibor qaratilmoqda.

Mardlar bellashuvida mahorat maktabi chavandozlari g‘olib bo‘lishdi

Kuni kecha Milliy gvardiya huzuridagi Qorabayir otlari mahorat maktabi hududida, viloyatdagi huquqni muhofaza qiluvchi organlar, kuch tuzilmalar harbiy xizmatchilari va xodimlari hamda Qorabayir otlari mahorat maktabi, Chavandozlar maktablari vakillari ishtirokida jamoaviy uloq-ko‘pkari musobaqasi tashkil etildi. Qizg‘in bahslarga boy bo‘lgan mardlar o‘yinida Qorabayir otlari mahorat maktabi chavandozlaridan iborat jamoa mutloq g‘oliblikni qo‘lga kiritdilar.

Ot ustida kurash musobaqasi tashkil etildi

"Boysun bahori" xalqaro folklor festivali doirasida tashkil etilgan ot ustida kurash musobaqasi qizg‘in va murosasiz bo‘ldi. Mazkur bellashuvlarni xorijiy davlatlardan tashrif buyurgan mehmonlar ham katta qiziqish bilan kuzatib bordilar. Musobaqalarda g‘olib bo‘lgan chavandozlar pul mukofoti bilan rag‘batlantirildi. Shuningdek, festival doirasida, ishtirokchilar uchun ot minish, unda sayr qilish imkoniyati ham yaratildi.

BIZGA QO'SHILING

Milliy gvardiya huzuridagi Qorabayir otlari mahorat maktabida amaliy va nazariy mashg‘ulotlarda toblanib, chavandozlik sirlarini o‘rganmoqchimiz? Unda bizga qo‘shiling

Onlayn qabul